ЖЧ-2026\" Канада сўнгги дақиқалардаги гол эвазига ЖАРни мағлуб этди
2026 йилги Жаҳон чемпионатининг 1/16 финал босқичида Канада терма жамоаси Жанубий Африка Республикасига қарши майдонга тушди.
Инглвуд шаҳридаги “SoFi” стадионида бўлиб ўтган учрашув жуда кескин ва эҳтиёткор руҳда кечди. Ҳар икки жамоа плей-офф босқичида хатога йўл қўймасликка ҳаракат қилди. Шу сабабли баҳс давомида кураш кўп бўлди, бироқ гол узоқ вақтгача урилмади.
Учрашув тақдири сўнгги дақиқаларда ҳал бўлди. Канада терма жамоаси 90+2-дақиқада рақиб дарвозасини ишғол қилди. Стивен Эустакио томонидан киритилган гол канадаликларга муҳим ғалабани тақдим этди.
Шу тариқа Канада ЖАРни 1:0 ҳисобида мағлуб этиб, ЖЧ-2026 1/8 финал босқичига йўл олди. Жанубий Африка Республикаси эса плей-оффдаги илк синовдаёқ мусобақа билан хайрлашди.
Канада учун бу ғалаба катта тарихий аҳамиятга эга. Жамоа нафақат мундиалдаги юришини давом эттирди, балки плей-офф босқичида характер кўрсатиб, сўнгги дақиқаларгача кураша олишини исботлади.
Энди Канада терма жамоаси 1/8 финалда Нидерландия — Марокаш учрашуви ғолибига қарши майдонга тушади. Бу эса жамоани янада жиддий синов кутayotganини англатади.
