Ўзбекистонлик ҳакам Осиё кубогида фаолият олиб боради
Турнир Австралияда ўтказилади.
Фото: UzFHM
Ўзбекистонлик FIFA ҳаками Эдита Мирабидова 2026 йил март ойида Австралияда бўлиб ўтадиган аёллар ўртасидаги Осиё кубоги мусобақасига тайинланди.
У нуфузли турнирда VAR ҳаками сифатида ишлайди. Мазкур мусобақа Осиё футбол конфедерацияси тақвимидаги энг муҳим турнирлардан бири бўлиб, қитъанинг энг кучли аёллар терма жамоалари ўртасидаги баҳсларни жамлайди.
Эслатиб ўтамиз, ушбу мусобақада Ўзбекистон миллий терма жамоаси ҳам иштирок этмоқда. Жамоамизнинг дастлабки ўйини 3-март куни Шимолий Кореяга қарши бўлиб ўтади.
Розикжон Султонмуродов
Журналист