Ўзбекистон ЖЧ-2026 йўлланмаси орқали футбол тарихини қайта ёзди
Сўнгги ўн йилликда Ўзбекистонда ҳақиқий футбол бум кузатилмоқда. Бу жараённинг энг ёрқин натижаси — мамлакат мустақиллик тарихида илк бор жаҳон чемпионати финал босқичига йўл олиши бўлди.
Ўзбекистон футбол ассоциациясининг расмий саҳифасида миллий терма жамоанинг ютуқлари қуйидагича келтирилган:
• Ўзбекистон Осиё футбол конфедерациясига аъзо бўлган ва жаҳон чемпионатида иштирок этадиган 13-давлатга айланди. Бу рўйхатда Океаниядан Осиёга ўтган Австралия ҳам бор.
• Жаҳон чемпионати финал босқичига йўл олган иккинчи туркий давлат. Илгари Туркия бу натижага эришган ва 2002 йили Япония ҳамда Жанубий Кореяда ўтган мундиалда бронза медалларини қўлга киритган.
• Мустақилликка эришган собиқ СССР давлатлари орасида ЖЧда иштирок этувчи учинчи мамлакат. Россия ва Украина аввалги чемпионатларда қатнашиб, чорак финалгача етиб боришган — Украина 2006 йили Германияда, Россия эса 2018 йили ўз майдонида.
• Марказий Осиё минтақасидан ЖЧ финал босқичига чиққан илк мамлакат.
Футболчиларнинг шахсий ютуқлари ва жамоанинг йирик мусобақага йўл олиши яна бир бор тасдиқлайдики, бугунги кунда футболда минтақа етакчиси — aynan Ўзбекистон. Миллий терма жамоа буни амалда исботлади.
