Ўзбекистон U-20 аёллар терма жамоаси юртимизга қайтиб келди
Тожикистон Республикасида бўлиб ўтган CAFA U-20 Women’s Championship 2026 мусобақасида Виктория Сирота бошчилигидаги Ўзбекистон U-20 аёллар терма жамоаси чемпионликни қўлга киритди.
Терма жамоамиз мусобақа давомида Қирғиз Республикаси U-20 терма жамоасини 1:0, мезбон Тожикистон U-20 терма жамоасини 7:0 ҳисобида мағлуб этди. Эрон U-20 терма жамоасига қарши баҳс эса 1:1 ҳисобидаги дуранг билан якунланди.
Мусобақа якунларига кўра, Ўзбекистон U-20 аёллар терма жамоаси "Fair Play" соврини билан тақдирланди. Шунингдек, Шаҳноза Деканбоева турнирнинг энг яхши футболчиси, Шаҳзода Алихонова эса мусобақанинг энг яхши тўпурари деб топилди.
Шу тариқа Ўзбекистон U-20 аёллар терма жамоаси 3 учрашувда 7 очко жамғариб, CAFA U-20 Women’s Championship 2026 мусобақаси ғолиби деган шарафли номга сазовор бўлди.
