Ўзбекистон терма жамоаси бугун Уругвай билан ўйнайди
Учрашув Тошкент вақти билан соат 17:45да старт олади.
Фото: ЎФА
Фабио Каннаваро бошчилигидаги Ўзбекистон терма жамоаси октябрь йиғини доирасидаги иккинчи ўртоқлик ўйинида қатнашади.
Унда Малайзиянинг Малакка шаҳрида Уругвай терма жамоаси билан куч синашади. Ўйин Тошкент вақти билан 17:45да "Ханг Жебат" стадионида старт олади.
Бунга қадар Ўзбекистон терма жамоаси Кувайтни 2:0 ҳисобида енгган эди. Уругвай эса Доминикан Республикасидан устун келган, - 1:0.
Ўртоқлик учрашуви.
Ўзбекистон - Уругвай
Малакка. "Ханг Жебат" стадиони. 17:45
