Ўзбекистон кубогининг 1/8 финалига 23-май куни қуръа ташланади
Футбол
Насрулло Каримов
Журналист
ФОТО: UZPFL
21-май санасида Ўзбекистон кубогининг гуруҳ босқичи ўйинлари якунга етади. Спорт принципларига амал қилинган ҳолда гуруҳлардаги сўнгги тур беллашувлари бир вақтда старт олади.
Июн ойининг иккинчи ярмида 1/8 финал ўйинлари ўтказилади. Мазкур босқичга 23-май куни қуръа ташланади. Жараён жонли эфирда намойиш этилади. Шу куни Суперлига 11-тури Андижон — Сурхон ўйини билан старт олади. Режага кўра, қуръа айнан шу беллашув олдидан ўтказилади.
Маълумот учун, гуруҳни пешқадам сифатида якунлаган жамоа 1/8 финалдаги рақибини ўз майдонида қабул қилади.