Ўзбекистон Кубоги. “Сўғдиёна” Нукусда Про лига жамоасидан устун келди
Фото: UzPFL
Ўзбекистон Кубоги 1-туридан ўрин олган “Арал” ва “Сўғдиёна” учрашувида меҳмонлар ғалаба қозонди.
Дастлаб учрашувнинг 27-дақиқасида Саҳоб Рашидов ҳисобни очган бўлса, 84-дақиқада Сардорбек Эркинов жиззахликларнинг иккинчи голини урди. 90+5-дақиқада эса Самандар Мавлонқулов якуний нуқтани қўйди. Натижада Иван Бошкович шогирдлари Нукусда 3:0 ҳисобидаги йирик ғалабани қўлга киритди.
Ушбу гуруҳнинг яна бир баҳсида “Сементчи” ва “Хоразм ФА” жамоалари жанговар дуранг қайд этганди, - 2:2.
Ўзбекистон Кубоги | 1-тур
“Арал” 0:3 “Сўғдиёна”
Голлар: Саҳоб Рашидов, 27 (0:1), Сардорбек Эркинов, 84 (0:2), Самандар Мавлонқулов, 90+5 (0:3)
Розикжон Султонмуродов
Журналист
