Юрген Клоппни ҳақорат қилган ҳакам курьерлик қилмоқда
Шов-шувли ҳаракатлари учун дисквалификация қилинган Англия Премьер-лигасининг собиқ ҳаками Девид Кут ҳозирда етказиб бериш хизматида ишламоқда. Бу ҳақда The Sun нашри хабар берди.
2024 йилнинг ноябрь ойида ижтимоий тармоқда Кутга ўхшаш бир инсоннинг Юрген Клоппни ҳақорат қилаётгани акс этган видео тарқалган эди. Шунингдек, ҳакамнинг Евро-2024 вақтида номаълум оқ модда ҳидлаётгани тасвирланган кадрлар ҳам пайдо бўлди.
“Мен ҳаётимни назоратга олиш ва янги мақсад топишга ҳаракат қиляпман. Курьерлик менга дам олишга имкон беради, лекин бу менинг сўнгги фаолиятим эмас”, - дейди Кут.
UEFA футбол обрўсига путур етказгани ва хулқ-атвор меъёрларини бузгани учун ҳакамни 2026 йил июн ойи охиригача дисквалификация қилган. Англия профессионал ҳакамлар ассотсиатсияси эса ички терговлардан сўнг Кут билан тузилган шартномани бекор қилган.
