Владимир Бубанья «Металлург»га ўтмоқда
Бубанья ўтган мавсумни Суперлига иштирокчиси “Хоразм” жамоасида ўтказганди.
Фото: Хоразм ПФК
Тажрибали ҳимоячи Владимир Бубанья фаолиятини яна Ўзбекистонда давом эттиради.
Sports24.uz хабар беришича, сербиялик футболчи Про лига иштирокчиси “Металлург”га ўтишга яқин. Ҳозирда томонлар ўртасида музокараларнинг сўнгги қисми давом этмоқда.
Бекободликлар янги мавсумни Про лигада давом эттиради. Жамоага Илҳом Мўминжонов бош мураббий сифатида ишламоқда. Таркибни кучайтириш йўлида бир қатор ўзгаришларни амалга оширмоқда.
Эслатиб ўтамиз, Бубанья ўтган мавсумни Суперлига иштирокчиси “Хоразм” жамоасида ўтказганди.
Розикжон Султонмуродов
Журналист