Вальбуэна «Олимпиакос»га қайтди
Фото: Getty Images
Матье Вальбуэна “Олимпиакос”га қайтди. Бу ҳақда клуб расмий сайти хабар берди.
Греция клуби 40 ёшли ярим ҳимоячи билан шартнома имзолаганини эълон қилди.
Франциялик футболчи 2019-2023 йилларда ҳам Пирей шаҳри клубида ҳаракат қилган.
Вальбуэна фаолияти давомида “Марсель”, “Лион”, “Динамо Москва”, “Фенербаҳче” ва “Аполлон” клубларида ҳам ўйнаган. Унинг сўнгги клуби Афинанинг “Каллифея”си бўлганди.
Ярим ҳимоячи ўтган мавсумда Греция юқори дивизионида 32 ўйинда 3 та гол ва 4 та ассистни ўз ҳисобига ёздириб қўйган.
Баҳром Бобонов
Редактор