UzFHM. Футболчиларнинг экипировка талаблари бўйича огоҳлантириш
Мусобақалар давомида футболчиларнинг экипировкасига оид талаблар Футбол ўйинлари қоидалари асосида қатъий назорат қилинади.
Унга кўра:
Футболчининг мажбурий экипировкаси қуйидаги қисмлардан иборат:
• енгли футболка
• шорти
• гетра (пойпоқ) — ташқи томондан ёпиштирилган ёки унга ўралган лента ёки бошқа материал гетранинг ўша қисми ранги билан бир хил бўлиши керак
• Шиткалар (shinguard) — улар махсус материалдан тайёрланган бўлиши, етарли ҳимоя таъминлайдиган ўлчамда бўлиши ва гетра билан тўлиқ ёпилган бўлиши керак.
• Шортнинг тагидан кийиладиган кийим/трико шортнинг асосий ранги ёки қуйи қисми ранги билан бир хил бўлиши керак ва битта жамоа ўйинчилари бир хил рангдан фойдаланишлари зарур.
Шу муносабат билан жамоалардан футболчиларнинг майдонга чиқишдан олдин экипировкалари белгиланган талабларга тўлиқ мос бўлиши таъминлаши зарур.
Қоидаларга зид ҳолатлар аниқланган тақдирда футболчи камчилик бартараф этилмагунча ўйинга қўйилмаслиги, зарур ҳолларда эса майдонга туширилмаслиги мумкин.
Маълумот учун, ушбу ҳолат бўйича қатъий чора кўриш 15-март куни бўлиб ўтадиган Суперкубок баҳсидан бошлаб амалга оширилади.
