U-17 аёллар терма жамоаси Осиё Кубоги учун курашни Ҳиндистон ва Қирғизистонга қарши бошлайди
Саралаш баҳслари 13–17 октябр кунлари Қирғиз Республикасида бўлиб ўтади
Расм: Championat Asia
2026 йилги U-17 аёллар ўртасидаги Осиё Кубоги саралаш босқичи учун қуръа ташлаш маросими якунланди. Унга кўра, Ўзбекистон U-17 аёллар терма жамоаси “G” гуруҳига тўғри келди.
Юртдош қизларимиз мазкур босқичда Ҳиндистон ҳамда мезбон Қирғиз Республикаси терма жамоаларига қарши майдонга тушишади. Беллашувлар 13–17 октябр кунлари Қирғизистонда ташкил этилади.
Ўзбек футболи тарихида ўсмирлар ўртасидаги аёллар мусобақалари тобора ривожланиб бораётгани инобатга олинса, мазкур саралаш ўйинлари терма жамоамиз учун муҳим синов бўлиши шубҳасиз.
Бакрадзе Иман
Редактор