Туркия. Шомуродов ва Файзуллаев «Башакшеҳир»га ғалаба келтирди
Бу футболчилар ўйинни ёқдиришди.
ФОТО: Getty images
Туркия чемпионатининг 17-турида “Башакшеҳир” ўз майдонида “Газиантеп”ни қабул қилиб, 5:1 ҳисобида ғалаба қозонди.
Беллашув ўзбекистонлик футболчиларнинг бенефисига айланиб кетди. Элдор Шомуродов гол+ассистни ўз ҳисобига ёздириб қўйди, Аббос Файзуллаев тўп киритишдан ташқари рақибнинг автоголига ҳам сабабчи бўлди.
Натижада Нури Шаҳин жамоаси очколарини 23 тага етказиб, 7-ўринга кўтарилиб олди.
Туркия Суперлигаси. 17-тур
Башакшеҳир — Газиантеп 5:1
Голлар: Шомуродов (21), Файзуллаев (29), Қизилдоғ (53, автогол), Гунеш (68), Брнич (84) — Камара (26).
