ЦСКА Аббосбек Файзуллаевнинг келажаги борасида қарор қабул қилади
ЦСКА клубининг машҳур мухлиси, шоумен ва артист Михаил Грушевский «РБ Спорт» журналистлари билан суҳбатда армиячилар жамоасининг янги мавсумдаги истиқболи ҳақида фикр билдирди. У жамоа раҳбарияти олдида турган вазифалар ва рақобатбардошликни сақлаб қолиш учун нималар қилиш кераклиги ҳақида тўхталиб ўтди.
Грушевский алоҳида эътиборни ўзбекистонлик ярим ҳимоячи Аббосбек Файзуллаевга қаратди. Футболчининг шартномаси бир йилдан сўнг тугайди, шу билан бирга, унинг терма жамоаси жаҳон чемпионатига йўл олди. Агар Файзуллаев мусобақада яхши ўйнаса, унинг трансфер қиймати кескин ошиши мумкин. Шу сабабли, мухлис фикрича, ЦСКА ёки шартномани бир неча йилга узайтириши, ёки футболчини бу ёзда сотиши керак. Грушевский бу масалани клуб ҳал қилиши керак бўлган энг муҳим вазифалардан бири деб ҳисоблайди.
Трансфер сиёсатига тўхталар экан, у жамоани шакллантириш бўйича ишлар бошланганини, аммо олдинда яна кўп вазифалар турганини қайд этди.
