Трент Александер-Арнолд: «Мадрид» шубҳасиз, исталган футболчини ўзига маҳлиё қиладиган жамоа ҳисобланади»

Трент Александер-Арнолд Реал Мадрид ҳақида фикр билдирди.

«Мадрид» шубҳасиз, исталган футболчини ўзига маҳлиё қиладиган жамоа ҳисобланади. Шунинг баробарида бундай катта клубда ўйнаб кетиш нақадар қийинлиги ҳам барчага маълум. Очиғи, буни янги имконият сифатида қабул қилдим ва салоҳиятимни тўлиқ ишга солиш ишқида ёняпман.

«Бернабеу» – муқаддас маскан. Мана, «Қироллик клуби» либосини кийгач, бунинг юки нечоғли оғирлигини яққол ҳис қилдим. Бир сўз билан айтадиган бўлсам, «Реал»да эканлигимнинг ўзиёқ ҳаттоки, машғулотларда бор кучимни сарфлашимни тақозо этади», – деди футболчи.

Иброҳим Жалолов

Редактор