«Тоттенхэм» Гакпо учун янги таклиф тайёрламоқда
Лондон клуби нидерланиялик футболчи учун тахминан 60–70 миллион фунт тўлашга тайёр.
ФОТО: Getty images
Лондоннинг «Тоттенхэм» клуби «Ливерпуль» вингери Коди Гакпо трансфери бўйича янги таклиф тайёрламоқда. Бу ҳақда инсайдер Николо Скира хабар берди.
Маълумотларга кўра, «шпорлар» нидерландиялик футболчи билан шахсий шартнома шартларини келишиб олган. Энди клубга «Ливерпуль» билан трансфер суммаси бўйича келишиш қолган.
Лондон клуби нидерланиялик футболчи учун тахминан 60–70 миллион фунт тўлашга тайёр. «Ливерпуль» эса футболчи учун камида 60 миллион фунт талаб қилмоқда.
Агар Гакпо бўйича келишув амалга ошмаса, «Тоттенхэм» муқобил вариант сифатида «Челси» вингери Михаил Мудрикни кўриб чиқмоқда.
Қайд этиш жоиз, «шпорлар» янги мавсумни омадсиз бошлади. Жамоа Премьер-лиганинг 1-турида «Брентфорд»га 0:3 ҳисобида мағлуб бўлди.
Розикжон Султонмуродов
Журналист