«Тоттенхэм» дам олиш кунларида иккита йирик трансферни якунламокчи
«Тоттенхэм» «Манчестер Сити»нинг икки футболчиси — Савиньо ва Омар Мармуш трансфери яқин кунларда якунлашни режалаштирмоқда. Лондон клуби ҳар икки футболчини душанбага қадар ўз сафига қўшиб олишига ишонмоқда.
Манбага кўра, «Тоттенхэм» Савиньо бўйича келишувга эришган. Бразилиялик вингернинг трансфери учун 75 миллион фунт ва бонуслар ҳисобидан яна 10 миллион фунт тўланиши мумкин. Ҳозирча клублар бу битимни расман эълон қилмаган.
Шунингдек, лондонликлар Омар Мармуш билан беш йиллик шартнома шартларини келишиб олгани айтилмоқда. «Тоттенхэм» мисрлик ҳужумчи бўйича ҳам «Манчестер Сити» билан музокараларни якунлашга яқин. Икки трансфернинг умумий қиймати тахминан 163 миллион евро бўлиши мумкин.
Маълумот учун, «Тоттенхэм» ёзги трансфер ойнасида таркибини сезиларли даражада кучайтирди. Клуб аввалроқ Сандро Тонали, Матеус Фернандес ва Ян Паул ван Хекке каби футболчиларни ўз сафига қўшиб олган. Савиньо ва Мармушнинг трансфери амалга ошса, лондонликларнинг ёзги харажатлари 300 миллион фунтдан ошиб кетиши кутилмоқда.
