Спаллетти А Серияда 1000 очко тўплаган бешинчи мураббий бўлди
Opta бу борада маълумот берди.
ФОТО: Getty images
"Ювентус" бош мураббийи Лучано Спаллетти А Серияда 1000 очко тўплади.
Шанба куни "бьянконерилар" ўз майдонида "Торино"ни енга олмади (0:0). Турин дербисида қўлга киритилган очко Спаллетти учун Италия чемпионатидаги мураббийлик фаолиятидаги мингинчи очко бўлди, деб ёзади Opta.
"Кекса синьора"нинг ҳозирги мураббийи Жованни Трапаттони, Нерео Рокко, Нильс Лидхольм ва Массимилиано Аллегридан кейин бу кўрсаткичга эришган бешинчи мураббий.
Эслатиб ўтамиз, “Ювентус” А Серия турнир жадвалида 5-ўринда бормоқда.
Розикжон Султонмуродов
Журналист