Швейцария Канадани мағлуб этиб, «B» гуруҳида ғолиб бўлди
Ўйинда жами 3 та гол урилди.
ФОТО: Getty images
Жаҳон чемпионати гуруҳ босқичининг 3-тури доирасида Швейцария ҳамда Канада терма жамоалари ўртасида ҳал қилувчи учрашув бўлиб ўтди. Ўйинда европаликлар 2:1 ҳисобида зафар қучди.
Швейцарияликлар сафида голларга Жоан Манзамби ва Рубен Варгас муаллифлик қилган бўлса. Канада Промис Акинпелунинг голи эвазига фарқни қисқартирди.
Ушбу муҳим ғалабадан сўнг Швейцария ўз очколарини 7 тага етказди ва гуруҳ ғолиби сифатида кейинги босқичга ўтди. Канада ҳам ушбу босқич иштирокчисига айланди.