\"Севинч\" ёшлари халқаро турнирда чемпион бўлди!
PHOTO: Telegram
Аввалроқ “Севинч” футбол мактаби тарбияланувчилари халқаро мусобақада иштирок этаётгани ҳақида хабар берган эдик. Бугун улар чемпионликни қўлга киритишди.
Жорий йилнинг 1-6-апрел кунлари Тошкент шаҳрида халқаро тарздаги "SOCCER KIDS WOMENʼS CUP 2025" турнири бўлиб ўтди. Унда "Севинч" аёллар футбол мактабининг тарбияланувчилари ҳам иштирок этишди. Турнир якундида "Севинч"нинг ёш қизлари чемпионлик кубогини бошлари узра баланд кўтаришди. Улар бўлиб ўтган барча беллашувларда ғалаба қозонишган ҳолда, тўплар нисбатини ҳам ажойиб кўриниш билан якунлашга муваффақ бўлишди 21-1!
Биз эса чемпионлик билан табриклаймиз. Ҳамда келгуси мусобақаларда ҳам бу каби чемпионлик анъанаси бардавом бўлишини тилаймиз.
Иброҳим Жалолов
Редактор