Сен-Максимен «Шарлотт» билан келишиб олди
Бу ҳақда L’Equipe нашри хабар берди.
ФОТО: Getty images
«Шарлотт» клуби «Ланс» ҳужумчиси Аллан Сен-Максимен билан шартнома шартларини келишиб олди. Бу ҳақда L’Equipe нашри хабар берди.
Аввалроқ Франция клуби 29 ёшли футболчининг эркин агент сифатида жамоани тарк этганини эълон қилган эди.
Аллан Сен-Максимен фаолияти давомида «Ньюкасл Юнайтед», «Сент-Этьен», «Ганновер», «Бастия», «Ницца», «Ал-Аҳли», «Фенербахче» ва «Америка» каби клубларда ҳам тўп сурган.
Эслатиб ўтамиз, Сен-Максимен қишки трансфер ойнасида Мексиканинг «Америка» клуби билан шартномани бекор қилиб, «Ланс» сафига кўчиб ўтган эди.