«Сўғдиёна» Туркияга жўнаб кетди
Жиззахликлар 20 февралгача ўқув-машғулот йиғини ўтказади.
ФОТО: Getty Images
Иван Бошкович бошчилигидаги «Сўғдиёна» бугун Ислом Каримов номидаги халқаро аэропорт орқали Туркияга жўнаб кетди.
Режага кўра, жамоа 21 январдан 20 февралга қадар Туркияда ўқув-машғулот йиғинини ўтказади. Ушбу давр мобайнида футболчиларнинг жисмоний ҳолатини яхшилаш, тактик схемаларни сайқаллаш ҳамда жамоавий уйғунликни кучайтиришга алоҳида эътибор қаратилади.
Йиғин доирасида «Сўғдиёна» бир қатор ўртоқлик учрашувларини ўтказишни режалаштирган бўлиб, мазкур беллашувлар мавсум олдидан жамоанинг реал имкониятларини синовдан ўтказишда муҳим аҳамият касб этади.
Насрулло Каримов
Журналист