\"Сандерленд\" \"Рома\" ҳимоячисини сотиб олмоқчи
Фото: Getty Images
"Рома"нинг чап қанот ҳимоячиси Анхелиньо Англиянинг "Сандерленд" клуби эътиборини тортди, деб хабар беради Sport Italia.
Манбага кўра, инглиз клуби римнинг собиқ спорт директори Флорент Гисолфини асосий лавозимлардан бирига тайинлашни режалаштирган ва айнан у 28 ёшли испанияликнинг трансфери ташаббускори бўлиши мумкин.
Келишувнинг кутилаётган қиймати тахминан 20 миллион еврога баҳоланмоқда.
Трансфермаркт портали ҳам футболчининг бозор нархини шундай баҳоламоқда.
Анхелиньонинг "Рома" билан меҳнат шартномаси 2028 йилнинг 30 июнига қадар мўлжалланган.
Ўтган мавсум у барча турнирларда 51 та ўйин ўтказиб, 4 та гол урган ва жамоадошлари учун 5 та голли узатмани амалга оширган.
Розикжон Султонмуродов
Журналист