Рўзиқұл Бердиев: \"Ғалабага биз ҳақлироқ эдик\"
Ўзбекистон Суперкубоги беллашувидан кейин "аждарлар" устози Рўзиқұл Бердиев ўз фикрларини билдирди.
"Албатта, бугун қийин баҳс кутяпганимизни билардик. Бундай учрашувларда ҳар қандай натижа қайд этилиши мумкин ва шунга яраша тайёргарлик кўргандик." Андижон" бундай дадил бошлаши биз учун бироз кутилмаган ҳолат бўлди. Улар дастлабки дақиқалардан олдинга интилиб вазиятлар яратишди. Иккинчи тайм вазиятни бироз ўзгартириш учун захирадан янги кучлар ташладик ва бу натижа берди. Ўйинга қўшилган Шерзод Насруллаев рақиб жарима майдонидаги ҳаракатлари билан пеналти ишлаб бизга ғалаба олиб келган голга сабаб бўлди. Сўнгги дақиқаларда ҳимояни кучайтирдик ва якунда ғалаба қозондик. Бугунги ғалабани стадионга келиб бизни қўллаб-қувватлаган мухлисларимизга бағишлаймиз.
Агар ўйиндаги барча хавфли вазиятларни таҳлил қилсак, менимча ғалабага бугун ҳақлироқ эдик. "Андижон" ҳам анча яхши томонга ўзгаргани кўриниб турибди. Улларда бироз услуб ўзгарганини сездик. Рақибнинг сўнгги уч ўйинини таҳлил қилдик. Сўнгги ўйинларда иккита ҳужумчини туширишяпти. Бунга тайёр эдик деб айта оламан.
Ўйинни сериягача олиб бормасликни ва масалани ўйинда ҳал этишни истагандик. Вазият пеналтилар сериясини тақозо этганида Черанни захирага олмай майдонда қолдирган бўлардим. Ғалабани асосий вақтда сақлаб қолиш ҳақида ўйладик ва шунга яраша ўйинчиларни алмаштирдик."
