«Рома» «Реал» билан Эндрик бўйича музокараларни қайта бошламоқчи
«Рома» Мадриднинг «Реал» клуби ҳужумчиси Эндрикни қишки трансфер ойнасида ўз сафига қўшиб олиш вариантини яна кўриб чиқмоқда. La Gazzetta dello Sport маълумотига кўра, римликлар бразилиялик футболчини ижара асосида қўлга киритишга қизиқиш билдирмоқда.
«Рома» ёзги трансфер ойнасидаёқ Эндрик билан келишувга яқин келган эди. Рим клуби дастлаб футболчини сотиб олиш ҳуқуқи билан ижарага олишни истаган, кейинчалик эса томонлар оддий ижара вариантини муҳокама қилган. Бироқ «Реал» бош мураббийи Жозе Моуриньо Эндрикни жамоада қолишга кўндирган ва трансфер амалга ошмай қолган.
20 ёшли ҳужумчи жорий мавсумда «Реал» сафида жуда кам ўйин амалиётига эга бўлмоқда — у Ла Лигада атиги бир учрашувда майдонга тушиб, 4 дақиқа ўйнаган. Шу сабабли Эндрикнинг январь ойида яна ижарага кетиш эҳтимоли ошган. «Рома» эса 14-октябрь куни Чемпионлар лигасидаги ўзаро учрашув вақтида «Реал» раҳбарияти билан бу масалани юзма-юз муҳокама қилишни режалаштирмоқда.
Маълумот учун, Эндрикнинг «Реал» билан амалдаги шартномаси 2030-йил ёзигача мўлжалланган. Бразилиялик ҳужумчи ўтган мавсумнинг иккинчи қисмини «Лион»да ижара асосида ўтказган ва 21 учрашувда 8 та гол ҳамда 8 та голли узатма қайд этган.
