“Реал Мадрид”нинг икки футболчисида муаммо: Моуриньо вазиятга ойдинлик киритди
“Реал Мадрид” бош мураббийи Жозе Моуриньо ярим ҳимоячи Федерико Вальверде ва ҳимоячи Эдер Милитаонинг жисмоний ҳолати ҳақида маълумот берди. Португалиялик мутахассис ҳар икки футболчининг “Вильярреал”га қарши учрашувдаги иштирокига ойдинлик киритди. Бу ҳақда The Touchline саҳифаси хабар бермоқда.
Манбага кўра, Моуриньо Вальверденинг навбатдаги учрашувда майдонга тушиши ҳали ҳам сўроқ остида эканини таъкидлаган. “Вальверденинг кейинги ўйиндаги иштироки ҳозирча аниқ эмас. Милитаога келсак, у бу учрашувда аниқ майдонга туша олмайди”, — деган мураббий.
Вальверде сентябрь ойида “Атлетико”га қарши Мадрид дербисида жароҳат олиб, сўнгги ҳафталарда тикланиш жараёнини давом эттирмоқда. Милитао эса узоқ муддатли жароҳатидан сўнг машғулотларга қайтган бўлса-да, ҳали тўлиқ ўйин формасини тиклаб улгургани йўқ. Шу сабабли Моуриньо навбатдаги учрашувда айрим футболчиларисиз майдонга тушишига тўғри келиши мумкин.
Маълумот учун, “Реал Мадрид” 10-октябрь куни Испания Ла Лигасининг 8-тури доирасида “Вильярреал”ни қабул қилади. Учрашув Мадриднинг “Сантьяго Бернабеу” стадионида бўлиб ўтади. Айни пайтда “Қироллик клуби” чемпионат турнир жадвалида тўртинчи ўринни эгаллаб турибди.
