Расман! Шомуродовнинг собиқ мураббийи ишсиз қолди
ФОТО: Getty Images
Англиянинг “Саутгемптон” клуби бош мураббийи Иван Юрич жамоа Премьер-лигадан тушиб кетганидан сўнг истеъфога чиқарилди. Бу ҳақда Marca нашри хабар бермоқда.
Кеча “Саутгемптон” Англия чемпионати якунланишига 7 тур қолганида қуйи лигага равона бўлди. Бу лига антирекорди ҳисобланади.
Манбага кўра, хорватиялик мутахассис “Саутгемптон” Чемпионшипга тушиб кетганидан кейин, шартномасидаги банддан фойдаланиб, жамоани тарк этган.
Эслатиб ўтамиз, Юрич бундан аввал Римнинг “Рома” клубида ҳам фаолият юритган ва қониқарсиз натижалар сабаб истеъфога чиқарилганди.
Насрулло Каримов
Журналист