Расман: Савиньо “Тоттенҳем” футболчисига айланди
Бразилиялик вингер Савиньо расман “Тоттенҳем” футболчисига айланди. Лондон клуби трансферни ўз расмий сайти орқали эълон қилди. Шу тариқа 22 ёшли футболчи фаолиятини “Манчестер Сити”дан “Тоттенҳем”га кўчиб ўтказди.
Аввалроқ ОАВ Савиньонинг трансфери қиймати қарийб 99 миллион еврони ташкил этиши ҳақида хабар берганди. Томонлар келишувни барча зарур жараёнлар якунлангач расман тасдиқлади.
Савиньо ўтган мавсумда “Манчестер Сити” сафида барча мусобақаларда 36 та учрашувда майдонга тушиб, 4 та гол урган ва 3 та голли узатмани амалга оширган. Англия Премьер-лигасида эса унинг ҳисобида 53 та учрашув ва 2 та гол мавжуд.
Маълумот учун, Савиньо 2022 йилда “Манчестер Сити” футбол гуруҳига қўшилган ва кейинчалик “ПСВ” ҳамда “Жирона”да ижара асосида тўп тепган. Энди бразилиялик футболчи фаолиятини “Тоттенҳем” сафида давом эттиради.
