Расман! Бернарду Силва — «Реал Мадрид» футболчиси
Мадриднинг «Реал» клуби «Манчестер Сити» ва Португалия терма жамоаси ярим ҳимоячиси Бернарду Силва билан шартнома имзолаганини расман эълон қилди. Томонлар ўртасидаги келишув икки мавсумга — яъни 2028 йилнинг 30 июнига қадар амал қилиши кўзда тутилган.
Шу ёзда 32 ёшни қаршилайдиган Силва учун икки йиллик шартнома ҳар икки томон учун ҳам ҳар томонлама маъқул келадиган қарор бўлди. Гарчи у аввалги энг чўққига чиққан йилларидаги тезлигига эга бўлмаса-да, Мадрид клуби ярим ҳимоясига мутлақо бошқача профил, креативлик ва бой тажриба олиб кириши аниқ. Унинг ўйинни ташкил қилиш ва майдонни кўриш қобилияти узоқ давом этадиган мавсум давомида «қаймоқранглилар» учун жуда қўл келади.
Маълумот учун, португалиялик юлдуз бугун Жаҳон чемпионати доирасидаги ўзининг дебют учрашувида майдонга тушади.