ПСЖ Чемпионлар Лигаси ғолиблиги учун қанча даромад қилгани маълум бўлди
ФОТО: Getty Images
Европа футбол ассоциациялари иттифоқи (УЕФА) Чемпионлар Лигасининг якунланган мавсуми бўйича ПСЖга 148,4 миллион евро тўлайди. Бу ҳақда Football Meets Data нашри хабар бермоқда.
Манбага кўра, ПСЖ Чемпионлар Лигаси финалида “Интер”га қарши ўйиндаги ғалабаси учун (5:0) 6,5 миллион евро олади. Париж клуби “Тоттенхэм” билан бўлиб ўтадиган УЕФА Суперкубогига қатнашгани учун яна 4 миллион евро ишлаб топади.
Маълумот учун, мусобақа финалчиси “Интер” мавсум якунида УЕФАдан 136,6 миллион евро олади. “Арсенал” эса 117 миллион евро даромад қилди.
Насрулло Каримов
Журналист