«ПСЖ» 19 ёшли Ян Диоманд трансфери бўйича ҳаракатни кучайтирди
Франциянинг «ПСЖ» клуби «РБ Лейпциг»нинг 19 ёшли ҳужумчиси Ян Диоманд трансфери устида фаол иш бошлади. Ушбу футболчига, шунингдек, «Ливерпуль» клуби Муҳаммад Салоҳнинг ўринбосари сифатида жиддий қизиқиш билдираётгани айтилмоқда. Footmercato нашри маълумотларига кўра, футболчининг ўзи Париж клубига ўтишга шахсан розилик берган.
Ўтган йилнинг ёзида «Леганес»дан «Лейпциг»га ўтган Диоманд Бундеслигада мавсумнинг энг асосий кашфиётларидан бирига айланди. У 36 та ўйинда майдонга тушиб, 13 та гол урди ва 9 та голли узатмани амалга оширди ҳамда ликанинг энг яхши ёш футболчиси деб топилди. Унинг немис клуби билан шартномаси 2030 йилгача мўлжалланган бўлиб, бу вазият «Лейпциг»га музокараларда устунлик беради.
Манбанинг хабар беришича, «ПСЖ» Диомандни ҳужумнинг ўнг қанотини кучайтириш учун асосий мақсад сифатида кўрмоқда, чунки айни пайтда жамоада ушбу позицияда маҳоратли ижрочилар танқислиги кузатилмоқда. «Бавария»нинг қизиқиши ва «Ливерпуль» лойиҳасининг ҷозибадорлигига қарамасдан, футболчининг ўзи кўпроқ Париж вариантига мойиллик билдирмоқда.
