Постекоглу мавсум охирида “Тоттенҳем”ни тарк этади – манба
Фото: Getty Images
Лондоннинг "Тоттенхэм" клуби раҳбарияти янги бош мураббий лавозимига бир нечта номзодларни кўриб чиқмоқда.
TeamTalk хабарига кўра, раҳбарият Анже Постекоглу мавсум охирида истеъфога чиқади. Бунга натижаларнинг қониқарсиз эканлиги сабаб бўлмоқда. "Тоттенхэм" ҳозирда АПЛ турнир жадвалида 15-ўринни эгаллаган. Бу натижа жамоа учун 1994 йилдан бери энг ёмон кўрсаткич ҳисобланади.
"Тоттенхэм" Постекоглуни истеъфога чиқарган вазиятда унинг ўрнига "Борнмут" бош мураббийи Андони Ираолани таклиф қилишни режаллаштирган. Шунингдек, Марко Силва ва Томас Франк номзодлари ҳам ўрганилмоқда.
Розикжон Султонмуродов
Журналист
