Почеттино: «Гуруҳдан чиқишимизга ишонишимиз керак»
Мезбонлар Австралия, Парагвай ва С плей-офф ғолиби билан бир гуруҳдан жой олди.
ФОТО: Getty images
АҚШ терма жамоаси бош мураббийи Маурисио Почеттино ЖЧ-2026 қуръаси натижалари ҳақида фикр билдирди.
Маълумот учун, америкаликлар Австралия, Парагвай ва С плей-офф ғолиби (Туркия/Руминия/Словакия/Косово) билан бир гуруҳдан жой олади.
"Биз яқинда Парагвай ва Австралия билан ўйнадик ва бизда жуда янги билимлар бор. Оптимист бўлишимиз, курашишда давом этишимиз керак.
Ҳозир биз фақат жамоаларни таҳлил қилишимиз ва бир неча ойдан кейин нима бўлишини кўришимиз мумкин. Биз барча рақибларни ҳурмат қилишимиз керак. Ҳаммаси осон бўлмайди. Яна қайси жамоа бизга қўшилади. Ҳурмат билан, лекин ҳа, биз олдинга кейинги босқичга чиқишимиз мумкинлигига ишонамиз," - дея Почеттинонинг сўзларини келтиради The Athletic.
Розикжон Султонмуродов
Журналист