«Пахтакор» ёшлар жамоаси Қатарда йиғин ўтказади
Йиғин давомида бир неча назорат беллашувларида майдонга тушиш мўлжалланмоқда.
Фото: Пахтакор ПФК
"Пахтакор" U-21 жамоаси 27 январдан 6 февралга қадар "Эспайр" академияси билан ҳамкорлик доирасида Қатарда йиғин ўтказади. Бу ҳақда клуб матбуот хизмати хабар берди.
Йиғин давомида бир неча назорат беллашувларида майдонга тушиш мўлжалланмоқда.
Айни пайтда ёшларимиз янги мавсумга тайёргарлик машғулотларини бошлаб юборишган. Жорий мавсум жамоани Шуҳрат Бўриев бошқаради. Унга мураббийлар штабида Ойбек Усмонхўжаев, Павел Тьюлкин ва Анвар Рашидов ёрдам беради.
Назорат баҳсида якшанба куни ёшлар Қибрайда "Дўстлик" жамоасидан 4:2 ҳисобида устун келишди.
Розикжон Султонмуродов
Журналист