“Пахтакор” афсонаси Хадзипанагис: Ўзбекистоннинг жаҳон чемпионатига чиқиши — буюк ютуқ
Афсонавий футболчи ва “Пахтакор” жамоасининг собиқ аъзоси Василис Хадзипанагис Ўзбекистон терма жамоасининг 2026 йилги жаҳон чемпионатига чиққани муносабати билан ўз муносабатини билдирди. У 1970-йилларда Тошкент клуби сафида тўп сурган.
Хадзипанагис бу ютуқни “улкан ютуқ” деб атади ва мамлакатни ҳамда футбол жамоатчилигини табриклади:
“Барча ватандошларимни ва Ўзбекистон аҳолисини жаҳон чемпионати йўлланмаси билан чин қалбимдан табриклайман — бу тарихдаги илк муваффақият! Бу ютуқда ҳиссаси бор барча футболчилар, мураббийлар, Ўзбекистон футбол ассоциацияси ва садоқатли мухлисларни қутлайман! Жаҳон чемпионатида катта муваффақиятлар тилайман!” — деди Василис.
Қайд этиш жоиз, Василис Хадзипанагис миллати бўйича юнон бўлиб, унинг ота-онаси 1949 йилда сиёсий муҳожир сифатида Тошкентга кўчиб келган.
