Opta суперкомпьютери чорак финал олдидан Африка Миллатлар Кубоги ғолибини башорат қилди
Турнирнинг амалдаги чемпиони Кот-д'Ивуар терма жамоаси ҳисобланади.
ФОТО: Getty Images
Opta суперкомпьютери Африка Миллатлар Кубоги 1/4 финал босқичи олдидан жамоаларнинг турнирда ғалаба қозониш эҳтимолларини аниқлади. Бу ҳақда Opta Analyst хабар берди.
Африка Миллатлар Кубоги — 2025 ғолиблиги учун энг юқори эҳтимоллар:
- Марокаш — 23,3%
- Сенегал — 16,6%
- Жазоир — 13,9%
- Нигерия — 12%
- Миср — 11,8%
Африка Миллатлар Кубоги 1/4 финал учрашувлари тақвими:
- 9 январ, 21:00 — Мали — Сенегал
- 9 январ, 00:00 — Камерун — Марокаш
- 10 январ, 21:00 — Жазоир — Нигерия
- 10 январ, 00:00 — Миср — Кот-д’Ивуар
2025 йилги Африка Миллатлар Кубоги Марокашда бўлиб ўтмоқда. Мусобақада олти гуруҳга бўлинган 24 та миллий терма жамоа иштирок этмоқда. Турнир 18 январгача давом этади.
Амалдаги Африка Миллатлар Кубоги ғолиби — Кот-д’Ивуар терма жамоаси бўлиб, улар 2023 йилги турнир финалида Нигерияни 2:1 ҳисобида мағлуб этган.
