Олимпия шаҳарчасида Президент олимпияси доирасида маданий тадбирлар ҳам қизғин ташкил этилмоқда
ФОТО: Getty Images
Олимпия шаҳарчасида Президент олимпияси мусобақалари давом этаётган бир пайтда, спортчилар ҳамда мусобақаларга ташриф буюрган меҳмонлар учун маданий ҳордиқ чиқариш мақсадида мусиқали дастурлар мунтазам ўтказилмоқда.
Мазкур кечалар иштирокчиларга мусобақа жараёнидан сўнг дам олиш, ижобий кайфият ҳосил қилиш ва ўзаро мулоқот қилиш имконини яратмоқда.
Тадбирлар доирасида ўзбек эстрада санъаткорлари, фольклор ижодий жамоалари ҳамда ёш истеъдодлар томонидан турли жанрлардаги концерт дастурлари намойиш этилмоқда.
Мусиқали тадбирлар спортчилар ва меҳмонларнинг маданий ҳордиқ чиқаришларида муҳим ўрин тутмоқда.
Насрулло Каримов
Журналист