Олимпия марказида эркин кураш бўйича навбатдаги ўқув-машғулот йиғини ташкил этилди
ФОТО: Getty Images
Республика Олимпия ва Паралимпия спорт турларига тайёрлаш марказида эркин кураш бўйича навбатдаги ўқув-машғулот йиғини юқори савияда ташкил этилди.
Мазкур йиғин доирасида нафақат юртимизнинг етакчи спортчилари, балки хорижий давлатлар — хусусан, Қозоғистон ва Беларусь Республикасидан ташриф буюрган тажрибали ва ёш иқтидорли полвонлар ҳам фаол иштирок этмоқда.
Умумий ҳисобда 200 нафарга яқин спортчини бирлаштирган ушбу ўқув-машғулот жараёни спортчиларнинг жисмоний ва техник тайёргарлигини янада ошириш, ўзаро тажриба алмашиш ҳамда халқаро ҳамкорликни мустаҳкамлашга хизмат қилмоқда.
Насрулло Каримов
Журналист