Нуну Эшпириту Санту \"Ноттингем Форест\" билан шартномани узайтирди
У 2023 йилдан бери жамоани бошқариб келади.
Фото: Getty Images
"Ноттингем Форест" бош мураббийи Нуну Эшпириту Санту инглиз жамоаси билан янги меҳнат шартномасини имзолади, деб хабар бермоқда клуб матбуот хизмати.
Манбага кўра, 51 ёшли португалиялик мутахассиснинг "ўрмончилар" билан янги шартномаси уч мавсумга - 2028 йилнинг ўрталарига қадар мўлжалланган.
Эслатиб ўтамиз, Эшпириту Санту 2023 йилнинг декабридан буён жамоани бошқариб келмоқда.
Ўтган мавсум “Ноттингем Форест” Англия Премьер-лигасининг ўтган мавсумида 7-ўринни эгаллади ва ЕЧЛ йўлланмасидан маҳрум бўлди.
Розикжон Султонмуродов
Журналист