Николас Жексон фаолиятини “Тоттенҳэм”да давом эттириши мумкин
Лондоннинг “Тоттенҳэм” клуби “Челси” ҳужумчиси Николас Жексонни ўз сафига қўшиб олиш имкониятини кўриб чиқмоқда. Бу ҳақда Буюк Британиянинг Daily Mail нашри хабар берди.
Манбага кўра, “Челси” 25 ёшли сенегаллик футболчининг трансфери учун тахминан 65 миллион фунт, яъни қарийб 76 миллион евро талаб қилмоқда. Ҳозирча клублар ўртасида расмий келишувга эришилмаган, бироқ “Тоттенҳэм” ҳужум чизиғини кучайтириш мақсадида Жексон номзодини жиддий кўриб чиқмоқда.
Футболчига “Астон Вилла” томонидан ҳам қизиқиш мавжуд. Жексон мунтазам ўйин амалиётига эга бўлиш учун “Челси”ни тарк этиш имкониятини кўриб чиқаяпгани айтилмоқда.
Сенегаллик ҳужумчи ўтган мавсумни “Бавария” сафида ижара асосида ўтказди. Унинг амалдаги бозор қиймати 40 миллион евро атрофида баҳоланмоқда.
Агар трансфер амалга ошса, Николас Жексон Лондоннинг бир клубидан бошқасига ўтиб, фаолиятини “Тоттенҳэм” сафида давом эттириши мумкин.
