Наманганнинг Навбахор жамоаси сафини бир неча футболчилар тарк этишди
Айни кунларда ўзбек клублари бир қатор футболчилар билан хайрлашиб, янги футболчилар билан шартномалар имзоламоқда.
photo: Navbahor FK
Хабарингиз бор, айни пайтда юртимизда мавсумлар оралиғидаги танаффус пайти.
Шу боис, жамоалар таркибида ўзгаришлар бўлиши табиий. Албатта, “Навбахор” ҳам бундан мустасно эмас.
Якунланган мавсумда “лочинлар” шарафини ҳимоя қилган Умиджон Эргашев, Игор Габриел, Аугусто Педро, Риан Исламов, Гилерме Гудеш, Жулио Сезар, Жамшид Болтабоев, Азимжон Ахмедов, Мирзохид Ғофуровлар клубни тарк этишди.
“Биз мазкур ўйинчиларга “Навбахор”даги фаолиятлари учун миннатдорчилик билдирамиз ва кейинги фаолиятларида омад ёр бўлишини тилаймиз”,—деп ёзилади клуб расмий саҳифасида.
Иброҳим Жалолов
Редактор
