Наманганда «Янги Ўзбекистон Олимпия чўққилари» доирасида волейбол мусобақаси бўлиб ўтди
Бу ҳақда Спорт вазирлиги матбуот хизмати хабар берди.
Фото: Спорт вазирлиги
Мингбулоқ туманида волейбол спорт тури бўйича туман ҳокими олимпиадаси мусобақаси юқори савияда ташкил этилди. Ушбу мусобақа ёшлар ва спорт ихлосмандларини бир майдонга жамлаб, соғлом турмуш тарзини тарғиб қилишда муҳим қадам бўлди.
Мусобақанинг тантанали очилиш маросимида туман ҳокими ўринбосари Азизбек Абдусаломов ҳамда Ўзбекистон Миллий Олимпия қўмитаси Наманган вилояти ижрочи директори Азамжон Аҳмадалиев иштирок этиб, спортчилар ва ташкилотчиларга омад тилади.
Мусобақа давомида жамоалар ўзаро муросасиз беллашиб, волейболга бўлган қизиқиш тобора ортиб бораётганини яна бир бор намойиш этди.
Розикжон Султонмуродов
Журналист