«МЮ» Тилеманс трансферини ҳал қилди (Романо)
«Манчестер Юнайтед» «Астон Вилла» ҳамда Бельгия терма жамоаси ярим ҳимоячиси Юри Тилеманснинг трансфери бўйича келишувга эришди. Бу ҳақда инсайдер Фабрицио Романо ўзининг ижтимоий тармоқларида хабар берди.
Манбага кўра, томонлар барча асосий шартлар бўйича келишиб олган ва Тилеманс яқин вақт ичида расман «Манчестер Юнайтед» сафига қўшилиши кутилмоқда.
Аввалроқ бошқа ОАВ «қизил иблислар» бельгиялик ярим ҳимоячи учун тахминан 41 миллион евро тўлаши ҳақида хабар тарқатган эди.
Ўтган мавсумда Юри барча мусобақалар доирасида 34 та учрашувда иштирок этиб, 2 та гол урди ва 7 та голли узатмани амалга оширди. Шунингдек, у 2026 йилги жаҳон чемпионатида Бельгия терма жамоасининг етакчиларидан бири бўлиб, жамоасининг ярим финалгача етиб боришига муносиб ҳисса қўшди.
