«МЮ» ҳимоячиси А Серияга йўл олиши мумкин
Фото: Getty Images
“Манчестер Юнайтед” ҳимоячиси Тайрелл Маласиа фаолиятини бошқа жамоада давом эттириши мумкин. Бу ҳақда Gazetta dello Sport хабар берди.
Манбага кўра, 25 ёшли нидерландиялик футболчига “Аталанта” клуби жиддий қизиқиш билдирмоқда.
Футболчига "Аталанта"дан ташқари Саудия Арабистони клублари ва "Селтик" ҳам қизиқиш билдирган.
Маласиа 2025 йилнинг февралидан бошлаб ижара асосида ПСВда ўйнаган ва у ерда 12 та ўйинда майдонга тушган. Ҳимоячининг шартномаси 2026 йил 30 июнгача амал қилади. Transfermarkt портали футболчининг трансфер қийматини 8 миллион еврога баҳолаган.
Розикжон Султонмуродов
Журналист
