«МЮ» Аморим ўрнига 5 номзод кўриб чиқилмоқда
Португалиялик мутахассиси истеъфога чиқарилиши кутилмоқда.
ФОТО: Getty images
“Манчестер Юнайтед” бош мураббийи Рубен Аморим истеъфога чиқарилиши мумкин. Бу ҳақда Daily Mail хабар берди.
Манбага кўра, жамоа португалиялик мутахассис билан хайрлашиш йўлларини изламоқда. Бунга қониқарсиз натижалар сабаб қилиб кўрсатилмоқда.
Қайд этилишича, “қизил иблислар” раҳбарияти Аморим ўрнини эгаллаши мумкин бўлган 5 нафар номзодларини ўрганиб чиқмоқда. Клуб шорт-листидан Оливер Гласнер, Гарет Саутгейт, Марку Силва, Андони Ираола ва Маурисио Почеттино каби мутахассислар ўрин олган.
Ушбу рўйхатдаги мураббийлардан фақат биттаси ҳозирда ишсиз - бу Англия терма жамоасининг собиқ устози Гарет Саутгейт.
Розикжон Султонмуродов
Журналист