Муҳаммадали Ўринбоев қанча вақтга сафдан чиққани маълум бўлди
У Бельгия клуби шифокорларининг назорати остида тикланиш жараёнларини олиб бормоқда.
Фото: ЎФА
Ўзбекистон ёшлар терма жамоаси футболчиси Муҳаммадали Ўринбоев 12 октябр куни Қозоғистонга қарши биринчи учрашувда ўзини ноқулай ҳис қилиб, майдонни тарк этган эди.
Тиббий текширувлардан сўнг футболчимиз орқа сон мушак қисмидаги жароҳати сабабли 3-4 ҳафтага сафдан чиққани маълум бўлди. Айни дамда у Бельгия клуби шифокорларининг назорати остида тикланиш жараёнларини олиб бормоқда.
"Муҳаммадали Ўринбоевни тез орада тўлиқ соғайиб, майдонга қайтишини тилаб қоламиз", - дейилади ЎФА баёнотида.
Розикжон Султонмуродов
Журналист
