Модрич Месси ҳақида: «У ҳақиқатан ҳам ноёб футболчи»
Хорватия терма жамоаси ярим ҳимоячиси ва «Реал» собиқ футболчиси Лука Модрич Лионель Мессининг Аргентина терма жамоасидаги фаолиятини якунлагани ҳақида фикр билдирди. Хорватиялик футболчи Мессига қарши ўйнаш қийин бўлганини, бироқ унинг ўйинини томоша қилиш катта завқ бағишлаганини айтди. Бу ҳақда Cadena SER нашри хабар бермоқда.
Манбага кўра, Модрич: «Унга қарши ўйнаш катта завқ эди, гарчи Хорватия терма жамоаси ва «Реал» сафида ундан анча азият чеккан бўлсам ҳам. Унинг ўйинини томоша қилиш ҳақиқий завқ. У ҳақиқатан ҳам ноёб футболчи. Унга омад тилайман», — деди.
Месси 7-октябрга ўтар кечаси Аргентина терма жамоаси сафидаги сўнгги учрашувини ўтказди. Буэнос-Айресда бўлиб ўтган Бенинга қарши баҳсда аргентиналиклар 3:0 ҳисобида ғалаба қозонди. Месси учта голнинг барчасида иштирок этиб, иккита голли узатма берди ва пенальтидан гол урди.
Маълумот учун, Лионель Месси Аргентина терма жамоаси сафида 2005-йилдан буён тўп тепиб келган. У миллий жамоа билан 2022-йилги Жаҳон чемпионати ғолибига айланган ва фаолияти давомида Аргентина футболи тарихидаги энг муҳим футболчилардан бири сифатида ном қолдирди.
