Миржалол Қосимов – Суперлигада июль ойининг энг яхши мураббийи

Суперлиганинг июль ойидаги энг яхши мураббийи аниқланди. Унга кўра, ОКМК бош мураббийи Миржалол Қосимов ой лауреатига айланди.

Унинг қўл остида «кончилар» июль ойида ўтказган 3 учрашувнинг барчасида ғалаба қозониб, 9 та гол урди ва 4 та гол ўтказиб юборди.

Қосимов соврин учун курашда Ислом Исмоилов («Нефтчи»), Рўзиқул Бердиев («Насаф») ҳамда Вадим Абрамовни («Динамо») ортда қолдирди.

Маълумот учун, ОКМК Суперлига турнир жадвалида 25 очко билан 4-поғонада бормоқда.

Иброҳим Жалолов

Редактор