Мираброр Усмонов кубоги-2026. Ўзбекистон Саудия Арабистонини пенальтилар сериясига кўра мағлуб этди
Мираброр Усмонов кубоги-2026. Ўзбекистон Саудия Арабистонини пенальтилар сериясига кўра мағлуб этди
Ўзбекистон ёшлар жамоаси сафида Беҳруз Абдусатторов ва Садриддин Ҳасанов гол муаллифи бўлди.
Ўзбекистон U-20 миллий жамоаси «Мираброр Усмонов кубоги-2026» турнири доирасида Саудия Арабистони U-20 жамоасига қарши майдонга тушди.
«Миллий футбол маркази»да бўлиб ўтган учрашувнинг асосий вақти 2:2 ҳисобидаги дуранг билан якунланди. Ўзбекистон ёшлар жамоаси сафида Беҳруз Абдусатторов ва Садриддин Ҳасанов гол муаллифи бўлди.
Абдусатторов 42-дақиқада белгиланган пенальтини аниқ амалга ошириб, рақиб дарвозасини ишғол қилди. Ҳасанов эса учрашувнинг 70-дақиқасида жамоамизнинг иккинчи голини киритди.
Асосий вақтда ғолиб аниқланмагани сабабли жамоалар пенальтилар сериясида куч синашди. Унда Ўзбекистон U-20 футболчилари рақибдан 4:1 ҳисобида устун келиб, ғалабани ўз томонига оғдирди.
Шу тариқа, Жамолиддин Раҳматуллаев бошчилигидаги Ўзбекистон U-20 миллий жамоаси Саудия Арабистонига қарши баҳсни пенальтилар сериясидаги ғалаба билан якунлади.
Мираброр Усмонов кубоги-2026
Ўзбекистон — Саудия Арабистони 2:2 (пен.сер 4:1)
4 октябрь. 2-тур. 17:00
Миллий футбол маркази
Голлар: Абдусатторов 42 (пен), Ҳасанов 70.
