Месси: «Биз биргаликда йўлимизни давом эттирамиз»
Аргентина гуруҳда уччала баҳсда ҳам ғалаба қозонди.
ФОТО: Getty images
Аргентина миллий терма жамоаси сардори Лионель Месси Иордания устидан қозонилган 3:1 ҳисобидаги ғалабадан сўнг ижтимоий тармоқда мухлисларга мурожаат қилди.
39 ёшли ҳужумчи мазкур учрашувда 60-дақиқада майдонга тушди ва жарима зарбасидан киритган голи билан ажралиб турди.
«Гуруҳ босқичини яна бир ғалаба билан якунладик. Биз биргаликда йўлимизни давом эттирамиз...», - деди Месси.
Гуруҳ босқичи якунига кўра, Аргентина сардори 6 та гол билан Жаҳон чемпионати–2026нинг энг яхши тўпурари бўлиб турибди.
Аргентина миллий терма жамоаси 1/16 финал босқичида Кабо-Верде терма жамоасига қарши майдонга тушади. Учрашув 4 июль куни бўлиб ўтади.